لاہور(پاکستان پوائنٹ نیوز17۔ستمبر2016ء) فلم سٹار عمائمہ ملک نے آکھیا اے کہ چنگی تے معیاری فلماں نوں جدوں تیکر لوک ویکھن لئی سینمیاں وچ نہیں جان گے ادوں تیکر پاکستانی فلم تے سینما انڈسٹری نوں انٹرنیشنل مارکیٹ تیکر پہنچان لئی خاب ویکھنا بے معنی نیں۔ اپنے اک انٹرویو وچ عمائمہ ملک نے آکھیا کہ پاکستانی فلماں دی سپورٹ لئی لوکائی نوں سینمیاں وچ آنا چاہیدا کیوں جے، جدوں تیکر فلم ویکھن دا شوق رکھن والے لوک انج نہیں کرن گے تے فنکاراں دی محنت تے سرمایا کاری دا کوئی فائدہ نہیں۔
اوہناں دا کہنا سی کہ موجودا حالات وچ پاکستانی فلم انڈسٹری دے معیار نوں انٹرنیشنل لیول تیکر پہنچانا مشکل نظر آ رہیا اے۔ اوہناں نے آکھیا کہ میں ہمیشہ معیار نوں ترجیح دِتی اے جس پاروں مینوں تے میرے کم نوں پسند کیتا جاندا اے۔
