مشہور ڈی جے و مجمان محسن عباس حیدر دی نویں ویڈیو ساہمنے آ گئی

فیصل آباد(پاکستان پوائنٹ نیوز22۔دسمبر2017ء) سبھ دے پیارے ڈی جے و مجمان تے نوجوان اداکار محسن عباس حیدر دی اک مہینے دی دھی تھوڑے دن پہلے ای چلانا کر گئی۔ محسن عباس نے ایہ خبر اپنے انسٹا گرام اکاؤنٹ اُتے اک پوسٹ شیئر کیتی، جہدے وچ اوہناں نے فالوورز توں دعا دی اپیل وی کیتی۔ ماہوین دے ایس دُنیا توں چلے جان مگروں ہن ڈی جے محسن عباس دی اک ہور ویڈیو ساہمنے آ ئی اے۔ ویڈیو وچ اوہ اپنی دھی دے ناں لکھی ہوئی نظم پڑھ رہے نیں۔ اوہناں دا کہنا اے کہ میں ایہ نظم اپنی دھی ماہوین عباس حیدر دے جنم اُتے لکھی سی۔ محسن عباس حیدر دی ایس ویڈیو نوں سوشل میڈیا اُتے ڈاڈھا پسند کیتا جا رہیا اے۔