اسلام آباد(پاکستان پوائنٹ نیوز30۔اکتوبر2017ء) اقوام متحدہ نے مشہور پاکستانی گلوکار شہزاد رائے نوں اوہناں دیاں سماجی خدمتاں تے نشے دے خاتمے لئی کیتے جان والے اقدامات نوں مُکھ رکھدے ہوئے خیر سگالی سفیر تعینات کر دتا اے۔ تفصیل مطابق مشہور پاکستانی گلوکار شہزاد رائے نوں نہ صرف اپنی گلوکاری بلکہ اپنے سماجی کماں کارن وی جانیا جاندا اے۔ پر ہن اوہناں نوں اقوام متحدہ ولوں خیر سگالی سفیر تعینات کر دتا گیا اے۔
شہزاد رائے نے نہ صرف پاکستان بلکہ پاکستان توں باہر وی نشے دی روک تھام تے پڑھائی دے حوالے نال بہت کم کیتا اے، جہنوں مُکھ رکھدے ہوئے اقوام متحدہ ولوں اوہناں نوں خیر سگالی سفیر تعینات کیتا گیا اے۔ایتھے ایہ گل وی ذکر جوگ اے کہ شہزاد رائے اپنا نجی فلاحی ادارہ ’زندگی ٹرسٹ‘وی چلا رہے نیں تے اوہناں نوں 2005و چ پاکستانی حکومتی ولوں سبھ توں وڈا سول اعزاز ’ستارہ امتیاز، تے 2008وچ ’ستارہ ایثار‘ دتا گیا اے۔
