فلمی دنیا دے سٹار سلمان خان حقیقی دنیا وچ 3ورھیاں مگروں پتا بنن گے

ممبئی(پاکستان پوائنٹ نیوز27۔ستمبر2017ء) مشہور اداکار سلمان خان دے ویاہ دا مسئلا حل نہ ہو سکیا۔ سلمان خان دے چاہن والے اوہناں دے ویاہ دیاں خبراں نوں لے کے بہت اُتاولے نظر آؤندے نیں۔ چالو ورھے دسمبر وچ سلمان خان 52ورھیاں دے ہو جان گے پر اجے تیکر اوہناں دا ویاہ دا کوئی ارادہ نظر نہیں آ رہیا۔ سلمان خان نے بھارتی میڈیا نال گل بات کردے ہوئے آکھیا کہ چنگا باپ بن سکنا واں پر مینوں نہیں لگدا کہ میں چنگا شوہر بن سکاں۔ ایس لئی میں اجے ویاہ نہیں کر سکدا۔ سلمان خان نے بھارتی میڈیا نال گل بات کردے ہوئے ایہ وی آکھیا کہ میرے ماں پیو میرے بالاں نوں ویکھنا چاہندے نیں۔ ایس لئی میں بغیر ویاہ دے بالاں دا پیو بننا چاہنا واں۔