لاہور(پاکستان پوائنٹ نیوز25۔ستمبر2017ء) مائرہ خان دے حوالے نال حمزہ علی عباسی دا کہنا سی کہ لوکائی نوں چاہیدا کہ اوہ وڈے تے مشہور بندیاں دی زندگی وچ دلچسپی لین پر اوہناں دا استحصال نہ کرن‘ مائرہ دے لک پچھے نشان آپریشن دا نتیجہ سی نہ کہ کسے غیر مذہب عمل دا۔ تفصیل مطابق حمزہ علی عباسی وی مائرہ خان دی حمایت وچ بول پئے۔ ایس حوالے نال حمزہ علی عباسی دا کہنا سی کہ سگریٹ پینا مرداں لئی وی اینا ای بُرا اے جِنا کسے سوانی لئی۔
ایس لئی کسے سوانی دے سگریٹ پین نوں بطور خاص اُچھالنا اک بُری گل اے۔ میں آپ وی سگریٹ پینا واں پر تمباکو نوشی بہر حال نامناسب گل اے۔ مائرہ خان دے لک اُتے موجود نشان دے حوالے نال حمزہ دا کہنا سی کہ اوہ نشان کسے غیر اخلاقی حرکت دے نتیجے وچ نہیں بنیا سی بلکہ اوہ نشان اک آپریشن مگروں بنیا پر بدقسمتی نال ساڈے ایتھے لوک گلاں نوں بُہتا اُچھالدے نیں۔ اوہناں دا ہور کہنا سی کہ وڈی تے مشہور شخصیت دی ذاتی زندگی وچ دلچسپی لوو پر اوہناں دا استحصال نہ کرو۔
