ممبئی(پاکستان پوائنٹ نیوز23۔ستمبر2017ء) پاکستانی اداکارہ ماہرہ خان تے بھارتی فلمسٹار رنبیر کپور دی نیویارک وچ سگریٹ پیندیاں دیاں تصویراں تے تُسیں سوشل میڈیا اُتے ویکھیاں ہونیاں نیں۔ تصویراں نوں مُکھ رکھدے ہوئے کئی ورتیندڑاں نے ماہرہ خان نوں ڈاڈھی تنقید دا نشانہ بنانا شروع کر دتا اے۔ ماہرہ خان نوں تنقید دا نشانہ بندے ویکھ کے شوبز دے کئی ستارے اوہناں دے دفاع وچ بولے۔
پر ہن بالی ووڈ فلمسٹار رنبیر کپور نے وی ماہرہ خان نوں تنقید دا نشانہ بنان والیاں نوں جواب دے دتا اے۔ رنبیر کپور دا کہنا سی کہ میں پچھلے کئی مہینیاں توں ماہرہ خان نوں ذاتی طور اُتے جاننا واں۔ ماہرہ خان اوہ سوانی اے جہدی میں بہت عزت کرنا واں تے اوہناں دے کم دی تعریف کرنا واں۔ اوہدے بارے ہون والیاں گلاں تے تنقید بالکل غلط اے۔ اوہناں دا کہنا سی کہ ماہرہ خان بارے اجیہیاں گلاں افسوسناک اے۔ رنیبر کپور نے اندازے لان والے ورتیندڑاں نوں وی تنقید دا نشانہ بناندے ہوئے آکھیا کہ ماہرہ خان کیونکہ اک سوانی اے ایس لئی سارے لوک اوہدیاں ای گلاں کر رہے نیں۔
