نویں دِلی(پاکستان پوائنٹ نیوز04۔اگست 2017ء) بھارتی گلوکار میکا سنگھ نوں ’ساڈا پاکستان‘ آکھنا مہنگا پے گیا۔ تفصیل مطابق میکا سنگھ 12تے 13اگست نوں امریکی ریاست شکاگو تے ہیوسٹن وچ کنسرٹ کرن والے نیں تے ایس سلسلے وچ اوہناں نے سماجی رابطیاں دی ویب سائٹ تے اپنے چاہیواناں نوں پیغام دتا۔ پیغام وچ میکا سنگھ نے آکھیا کہ ”میرے نال موج مستی کرن لئی تیار ہو جاؤ‘ ہیوسٹن تے شکاگو وچ آ رہیا واں“ ایس پیغام مگروں میوزک کنسرٹ دے آہریاں نے میکا سنگھ دی اک ویڈیو وی ٹویٹر تے شیئر کیتی جہدے وچ میکا سنگھ ایہ آکھ رہے نیں کہ ”میں پاکستان تے بھارت دا آزادی دیہاڑ منان لئی اُتاولا واں‘ 15اگست نوں ساڈا ہندوستان آزاد ہویا تے 14اگست نوں ساڈا پاکستان‘ ۔
ایس ویڈیو نوں ویکھن مگروں بھارتی سوشل میڈیا ورتیندڑاں نے اوہناں نوں ڈاڈھی تنقید دا نشانا بنایا۔
