پاکستان وچ جرماں نوں ودھوتری دین دا ذمے وار سلمان خان تے بالی ووڈ اے: رابی پیرزادہ

کراچی(پاکستان پوائنٹ نیوز03۔مارچ2017ء) پاکستانی گلوکارا رابی پیرزادہ دا کہنا اے کہ ملک وچ جرماں نوں ودھوتری دین دا ذمے وار بالی ووڈ تے دبنگ خان سلمان خان اے۔ رابی پیرزادہ نے اپنے اک بیان وچ آکھیا کہ پاکستان دی فلم انڈسٹری دے بحران دا شکار ہون دی اک وجہ ایہ وی اے کہ لوک پاکستانی فلماں دی بجائے بھارتی فلماں ویکھنا بہتا پسند کردے نیں۔ اوہناں دا کہنا سی کہ بالی ووڈ وچ ریلیز ہوئی ہر دوجی فلم کسے نہ کسے جرم یاں مجرم اُتے بنی ہوندی اے جہنوں ویکھ کے تشویش ہوندی اے کہ بھارتی فلمساز نوجوان نسل نوں کیہ پیغام دے رہے نیں؟اوہناں نے آکھیا کہ اک ویلا سی جدوں پاکستان دی فلم انڈسٹری وچ چنگیاں فلماں بنائیاں جاندیاں سن پر بالی ووڈ دے ودھدے ہوئے رجحان پاروں لوکاں دی پسند وچ تبدیلی آئی اے جو کہ افسوسناک اے۔