لندن: انگلش پریمیر لیگ‘ ساؤتھ ایمپٹن نے میچ وچ ویسٹ ٹیم نُوں 3-0 نال ہرا دِتا

لندن (پاکستان پوائنٹ نیوز۔26ستمبر 2016) انگلش پریمیر لیگ وچ کھیڈے گئے میچ وچ ساؤتھ ایمپٹن نے ویسٹ ہیم نُوں صفر دے مقابلے وچ 3 گولز نال ہرا دِتا اے۔ پریمیر لیگ فٹبال وچ ہون والے میچ وچ ساؤتھ ایمپٹن نے 39 ویں منٹ وچ گول داغ کے برتری حاصل کر لئی۔ پہلا گول سکور ہون دے بعد ویسٹ ہیم دی ٹیم پریشر وچ آ گئی تے جم کے مقابلا نہ کر سکی۔ ساؤتھ ایمپٹن نے کھیڈ دے 61 ویں منٹ وچ اِک شاندار گول دی مدد نال اپنی برتری دو صفر کر لئی۔ 72 ویں منٹ وچ ویسٹ ٹیم نُوں گول کرن دا چنگا موقع مِلیا پر اوہ فایدا چُکن وچ ناکام رہے‘ ایہدے بعد مخالف ٹیم نے اِک واری فیر کھیڈ دے مُکن توں کجھ منٹ پہلاں گیند نُوں جال دا راہ وکھا کے 3-0 نال کامیابی سمیٹ لئی۔