ارشد خان عرف چاہ والے نوں گھر والیاں ولوں اک شرط اُتے شوبز وچ کم کرن دی اجازت مل گئی

ارشد خان عرف چاہ والے نوں گھر والیاں ولوں اک شرط اُتے شوبز وچ کم کرن دی اجازت مل گئی

اسلام آباد(پاکستان پوائنٹ نیوز07۔جنوری2017ء)سوشل میڈیا اُتے اپنیاں نیلیاں اکھاں پاروں مشہور ہون والے ارشد خان عرف چاہ والے نوں گھر والیاں ولوں اک شرط اُتے شوبز وچ کم کرن دی اجازت مل گئی اے۔ تفصیل دے مطابق ارشد خان دے گھر والیاں نے شرط ایہ رکھی اے کہ ارشد خان شوبز وچ کدی وی بولڈ شوٹ نہیں کروائے گا ہور ایہ کہ مسکان جے ورگیاں ویڈیو تے تصویراں دوبارا نہیں بنوائیاں جان گیاں۔

ایسے اک شرط اُتے ارشد خان دے گھر والیاں نے اوہناں نوں شوبز وچ دوبارا کم کرن دی اجازت دے دِتی اے۔ ارشد خان دے منیجر دے مطابق ارشد خان فلم ’کبیر‘ وچ کم کرن دے حوالے نال وی کُجھ دناں وچ اعلان کرن گے۔ یاد رہوے کہ ارشد خان دی میوزیکل ویڈیو ریکارڈنگ دے دوران مسکان جے نال لِتیاں گئیاں تصویراں سوشل میڈیا اُتے وائرل ہو گئیاں سن جہدے بعد ارشد خان دے گھر والیاں نے خفگی دا اظہار کردے ہوئے اوہناں نوں شوبز توں دور رہن دی ہدایت کیتی سی۔