گنگارام ہسپتال انتظامیا دا مشہور اداکارا نصرت آراءنال مَندا سلوک

لاہور(پاکستان پوائنٹ نیوز05۔جنوری2017ء) اداکارا نصرت آراءبیگم عرف بل بتوڑی اُتے فالج دا حملا ہو گیا، ڈاکٹراں نے ہسپتال وچ داخل کرن دی بجائے دوائی لکھ کے گھر گھل دتا۔ تفصیل دے مطابق ڈرامہ سیریل ’عینک والا جن‘ وچ بل بتوڑی دے کردار توں مشہور ہون والی اداکارا نصرت آراءبیگم اُتے فالج دا اٹیک ہویاجہدے بعد اوہناں نوں ڈاکٹری امداد لئی گنگا رام ہسپتال لیاندا گیا، گنگا رام ہسپتال دے ڈاکٹراں نے اوہناں نوں ہسپتال وچ داخل کرن دی بجائے دوائیاں لکھ کے ڈسچارج کر دِتا۔ حیرانگی دی گل ایہ اے کہ اداکارا کِنا چِر ہسپتال دیاں پوڑھیاں وچ بیٹھی علاج دی اُڈیک وچ رہی پر بعدوں اوہدے وارث اوہنوں گھر لے گئے۔