اسلام آباد(پاکستان نیوز پوائنٹ 18نومبر2016ء) اسلام آباد فٹ بال ایسوسی ایشن نا کنڈآن اسلام آباد اے ڈویژن فٹ بال لیگ (اینو) ہفتہ آن بناء کیک۔ اسلام آباد فٹ بال ایسوسی ایشن نا سیکرٹری سید شرافت حسین بخاری پارے کہ لیگ نا غٹ بست و بند آتے پورو کننگانے، و لیگ اٹی اسلام آباد نا گچین 20ٹیمک بشخ ہلیرہ ہرافتے چارگروپ آتیٹی بشخ وپانٹ کننگانے، گروپ اے ٹی مہران کلب ، غوری کلب، پاک سپورٹنگ کلب، ایور گرین کلب، ینگسٹر کلب ، گروپ بی ٹی فالکن کلب، اکبر کلب، راوی کلب،فیڈرل کلب و پوناکلب، گروپ سی ٹی اسلام آباد اکیڈمی کلب، الفیصل کلب، گنگال کلب، روورکلب، اسلام آباد کلب، وخت اس کہ گروپ ڈی ٹی ہماکلب، سی ڈی اے کلب، قائد اعظم کلب، رمناکلب و القائم کلب اوار ءُ۔
اوپارے کہ ہر گروپ ان اِرا ، اِرا ٹیمک کوارٹر فائنل کن کوالیفائی کیرہ۔ لیگ پی ایف ایف رول انا رداٹ گوازی کننگک۔ لیگ نا ہر ہفتہ و یک شنبے آ اِرا ، اِرا میچ ٹی اینڈٹی گراؤنڈ جی ایٹ فور و پاکستان سپورٹس کمپلیکس اٹی اڈ ہلیک۔
