کرائسٹ چرچ(پاکستان نیوز پوائنٹ 16نومبر2016ء) پاکستان و نیوزی لینڈ نا کرکٹ ٹیم نا نیام اٹ اِراٹیسٹ میچ آتیا تالان سیریز نا اولیکومیچ (اینو) پنچ شنبے آن کرائسٹ چرچ اٹی بناء کیک۔ ہڑتوم آ ٹیمک کرائسٹ چرچ اٹی ساڑی ءُ و پریکٹس کننگ اٹی اختہ ءُ، پاکستان کرکٹ ٹیم نا سروکی ءِ مصباح الحق کیک وخت اس کہ میزبان ٹیم نا سروکی ءِ کین ولیمسن کیک۔ پاکستان و نیوزی لینڈ نا نیام اٹ اولیکو ٹیسٹ میچ زمی جمب آن زہمی کرائسٹ چرچ اٹی ہی شیڈول ءِ۔
پاکستانی ٹیسٹ سکواڈ اٹی مصباح الحق (کیپٹن) ، اظہر علی ، سمیع اسلم، شرجیل خان، یونس خان، اسد شفیق، بابر اعظم ، سرفراز احمد،محمد رضوان، یاسر شاہ، محمد نواز ، محمد عامر ، وہاب ریاض، راحت علی، سہیل خان و عمران خان سینئر اوار ءُ۔ تدوک آ دے نیوزی لینڈ نا شار کرائسٹ چرچ اٹی 7.4شدت نا زمی جمب بسوسس اوکان گڈ سونامی نا وارننگ جاری کننگاو کیویز نا دیس اٹی ساڑی پاکستانی مین و وویمن ٹیم نا غٹ باسک آک بالکل رکھوک ءُ۔
پاکستانی ٹیم نیوزی لینڈ نا برخلاف اولیکو ٹیسٹ میچ آن مست مسہ دے ئی ٹور میچ گوازی کننگ کن نیلسن اٹی ساڑی ئس ولے پِر انا سوب مسہ دے ئی میچ بیدس گیند خسنگ آن ہی چٹا۔ہڑتوم آ ٹیم تا نیام اٹ اولیکو ٹیسٹ (اینو) آن 21نومبراسکان ہیگلے اوول، کرائسٹ چرچ وخت اس کہ ارٹ میکو و آخریکو ٹیسٹ 25آن 29نومبر اسکان سیڈن پارک، ہیملٹن اٹی گوازی کننگک۔
