صوبائی حکومت گوازی تا مون آ دننگ کن ہروڑنا گام گیج کننگ ءِ،

بلوچستان نا ورناک لائخ ءُ، اوفتے ٹی ٹیلنٹ نا ہچ ءُ کمتی اس اف سیکرٹری تعلیم بلوچستان ڈاکٹر عمر خان بابر نا آل پاکستان انٹربورڈ فٹبال چیمپین شپ نا فاتح بلوچستان بورڈ نا ٹیم انا اعزاز اٹی دود آن تران چیئرمین بورڈ سراج احمد کاکڑ نا گوازی گر تا دا سرسہبی آ اوفتا امتحانی خڑچ آتے بشخنگ نا پڑو

صوبائی حکومت گوازی تا مون آ دننگ کن ہروڑنا گام گیج کننگ ءِ، 
بلوچستان نا ورناک لائخ ءُ، اوفتے ٹی ٹیلنٹ نا ہچ ءُ کمتی اس اف سیکرٹری تعلیم بلوچستان ڈاکٹر عمر خان بابر نا آل پاکستان انٹربورڈ فٹبال چیمپین شپ نا فاتح بلوچستان بورڈ نا ٹیم انا اعزاز اٹی دود آن تران چیئرمین بورڈ سراج احمد کاکڑ نا گوازی گر تا دا سرسہبی آ اوفتا امتحانی خڑچ آتے بشخنگ نا پڑو

کوئٹہ(پاکستان نیوز پوائنٹ 27دسمبر2016ء) آل پاکستان انٹربورڈ فٹبال چیمپین شپ 2016ء نا فاتح ٹیم بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ نا اعزاز اٹی پروقاردوس اس اڈتننگا۔ دود انا مہمان خاص سیکرٹری تعلیم بلوچستان ڈاکٹرعمر خان بابر ئس۔ دود آن تران کرسا اوپارے کہ بلوچستان نا ورناک لائخ ءُ اوفتیٹی ٹیلنٹ نا ہچ ءُ کمتی اس اف۔

اوپارے کہ بلوچستان بورڈ آف انٹرمیڈیٹ اینڈ سیکنڈری ایجوکیشن نا فٹبال ٹیم ستاکڑزنگ نا حقدار ءِ ہراک مچ آ پاکستان اٹی بلوچستان نا پن ءِ روشن کریر ہراک مچ آ پاکستان آن ٹورنامنٹ اٹی اوار 24ٹیم تتون مقابلہ غاتے کٹار و فائنل اٹی ساہیوال نا ٹیم ءِ 2.0اٹ کٹار۔ سیکرٹری تعلیم مستی پارے کہ گوازی تا مون آ دننگ کن ہروڑنا گام گیج کننگ انگ ءِ دارداٹ بلوچستان نا غٹ ضلع غاتیٹی گوازی تے کن فنڈ فراوان کینہ گوازی و تعلیم نا چولی دامن تون مریک و غیر نصابی سرجزآتیان چناتا ذہنی لائخیک تالان مریرہ، دن انگا گام گیج تا است بڈی ءِ کننگک، ہراڑے گوازی تا پٹ آک آباد مریرہ ہموڑے راج اٹی برائیک کم مریرہ۔

داوخت آ چیئرمین بورڈ آف ایجوکیشن سراج احمد کاکڑ گوازی گرتا دا سرسہبی آ پبی است بڈی ءِ کرسا گوازی گرتا امتحانی خڑچ آتے بشخنگ نا ہم پڑو ءِ کرے۔ ایسر اٹی سیکرٹری تعلیم نغد انعام و ٹرافی ہم بشخ وپانٹ کرے۔