مزن وزیرعمران خان ترک صدر رجب اردوان ءِ دعوتءَ ترکی ءِ 2روچی تر ء ُ تاب ءَ رہادگ بوتگ

مزن وزیرعمران خان ترک صدر رجب اردوان ءِ دعوتءَ ترکی ءِ 2روچی تر ء ُ تاب ءَ رہادگ بوتگ

اسلام آباد (پاکستان پوائنٹ نیوز 04 جنوری 2019ء) مزن وزیرعمران خان ترک صدر رجب طیب اردوان ءِ دعوتءَ پنچ شمبے ءِ روچءَ ترکیءِ دو روچی ترء ُ تابءَ رہادگ بوتگ۔ مزن وزیر جوڑ بوہگءَ پد اے آئیءِ ترکی ءِ اولی ترء ُتاب اِنت۔دری کارانی وزیر مخدوم شاہ محمود قریشی ، حزانگءِ وزیر اسد عمر، منصوبہ بندی ءِ وزیر مخدوم خسرو بختیار ء ُ مزن وزیرءِ بیپاری ءِ صلہ کارعبدالرزاق داؤد ءَ ہوار مزن تکءِ ڈل ہم مزن وزیرءِ ہمراہ اِنت۔

ترء ُ تاب ءَ مزن وزیر عمران خان ترکی ءِ صدر ءَ گوں گندء ُ نند ء ُ دوئیں ملک آنی نیامءَ سیادی ءِ سرءَ حیالء ُ لیکہ ءِ درشانی ءَ کنت۔ اے موہءَ دمگی ء ُ میاں اوستمانی جاورھال ءِ سرءَ ہم حیالء ُ لیکہءِ درشانی کنگ بیت۔ مزن وزیر انقرہ ءَ بزنس فورم ءَ گوں ترانء ُ ترک بیپاری ء ُ زرکاری مردماں گوں گندء ُ نند ہم کنت۔