ناصر کریم بلوچءَ کسانیں وھدءَ فٹ بال ءِ لیبءَ را دیم روئی داتگء ُ درورے جوڑ کتگ، فٹ بال دوست

ناصر کریم بلوچءَ کسانیں وھدءَ فٹ بال ءِ لیبءَ را دیم روئی داتگء ُ درورے جوڑ کتگ، فٹ بال دوست

کراچی (پاکستان پوائنٹ نیوز۔20 جولائی۔2016) ڈسٹرکٹ بال ایسوسی ساؤتھ ءِ دراھیں فٹ بال دوستاں ضلع صدر ناصر کریم بلوچءَ را دادء ُ سلام پیش کتگء ُ گشتگ کہ 2015ء ءَ ڈسڑکٹ ساؤتھ فٹ بال ایسوسی ایشن ءِ سروکی سمبھالگءَ پد ڈسٹرکٹ ساؤتھ ء ِ تہا لیب ء ِ دیم روئی ء ُ دیمءِ برگء ِ ھاترءَ بے کساس ٹورنمنٹ ھڈ کتگ کہ ایشانی تہا اپریل ء ِ ماھءَ کے الیکٹرک ءِ کمک ءَ چہ انڈر 16فٹ بال ٹورنمنٹ لیاریءَ اسپورٹس گالا کنگ بوتگ۔

ناصر کریم بلوچ ء ُ آئی ءِ ٹیم ءَ الیکشن ءِ تہا کہ منشور پیش کتگ بوتگ آئیءِ سرجم کنگء َ ھاسیں کرد پیلو کتگ۔ ناصر کریم بلوچ ءَ کمکء ُ گیش 700ءَ چہ گیش لیبی ٹرانسفر کتگیں ڈی ایف اے ساؤتھ ءَ جنکانی 3ٹورنمنٹ انڈر 16ء ُ انڈر 10ء ُ 12ءِ ٹورنمنٹ رائٹ ٹو پلے ءِ کمک ءَ چہ ھڈ کتگ ء ُ نیشنل بنک آف پاکستان ءِ کمک ءَ چہ ڈسٹرکٹ ساؤتھ فٹ بال چمپئن شپ ھڈ کنگ بوتگ ۔

ایشی ءَ چہ زوت پد پیپلز اسٹیڈیم ءَ انڈر 16ٹورنمنٹ ءِ ھڈ کنگء ُ مارچءَ بنک الفلاح ءِ کمکءَ چہ بنک الفلاح ڈسٹرکٹ ساؤتھ فٹ بال چمپئن شپ ھڈ کنائتگ فٹ بال ء ِ لیب ءِ دیم ءَ برگ ء ُ ازمت کنگءَ لیاری ءَ ھوار ضلع ساؤتھ ءِ فٹ بال کلباں ء ُ فٹ بال چاروکء ُ دوست داروکاں ناصر کریم بلوچء َ را دادء ُ سلام پیش کتگء ُ آئی ءِ فٹ بال لیبءِ سروکی کنگءِ ھوالگءَ آئی ءِ ازمت ساڑاتگ اَنت۔