قائد اعظم کرکٹ ٹرافی نا سپر ایٹ مرحلہ (اینو) بناء کیک

اسلام آباد(پاکستان نیوز پوائنٹ 18نومبر2016ء) پاکستان کرکٹ بورڈ انا کنڈآن جاری قائد اعظم کرکٹ ٹرافی نا سپر ایٹ مرحلہ (اینو) ہفتہ آن بناکیک ہرانا میچ آک کراچی و حیدرآباد اٹی گوازی کننگرہ۔ گروپ ون اٹی پاکستان واپڈا نا مقابلہ سوئی ناردرن گیس پیپ لین تون نیشنل اسٹیڈیم کراچی ٹی مریک وخت اس کہ کراچی وائٹس و سوئی سدرن گیس کمپنی نا ٹیم تا نیام اٹ میچ یو بی ایل گراؤنڈ نمبر 1اٹی گوازی کننگک، گروپ ٹو اٹی کے آر ایل و یو بی ایل نا ٹیمک نیاز اسٹیڈیم حیدر آباد اٹی مد مقابل مریرہ وخت اس کہ نیشنل بینک و حبیب بینک نا ٹیمک مون پہ مون سٹیٹ بینک آف پاکستان گراؤنڈ کراچی ٹی مریک، فائنل 10دسمبر آ نیشنل اسٹیڈیم کراچی ٹی گوازی کننگک۔