حالء ُ احیوال کاریء ُ شنگکاری ءِ بنجاہی وزیر چوہدری فواد حسین ءِ آئی ایس اے ءَ 35می سپیشلائزڈ ٹریننگ کورسءِ باسکانی پاسنگ آؤٹ مراگشءَ گوں تران

حالء ُ احیوال کاریء ُ شنگکاری ءِ بنجاہی وزیر چوہدری فواد حسین ءِ آئی ایس اے ءَ 35می سپیشلائزڈ ٹریننگ کورسءِ باسکانی پاسنگ آؤٹ مراگشءَ گوں تران

اسلام آباد (پاکستان پوائنٹ نیوز 04 جنوری 2019ء) حالء ُ احیوال کاریء ُ شنگکاری ءِ بنجاہی وزیر چوہدری فواد حسینءَ گشتگ کہ انفارمیشن گروپ ء ُ ریاستی حال در ءِ زمہ واری ایں کہ آ ریاست ءِ پجار ءَ را شریں وڑءَ پدر بہ کنت، انفارمیشن سروس اکیڈمی ، ریڈیوء ُ پی ٹی وی ءِ اکیڈمی ءَ را ضم کنگ بیتء ُ پاکستانءِ اولی سٹیٹ آف آرٹ میڈیا یونیورسٹی جوڑ کنگ بوہگءَ ایں، 60ءَ پاکستان وت یک ریڈیو ٹرانسمیٹرجوڑ کنوکیں یک ملکے بوتگ ، نوں مے کوشست ایں کہ مے ورناہیں نسل میڈیا ٹیکنالوجی، پرفارمنگ آرٹ ، ساچستی نبشتانک، تامورء ُ ڈرامہ جوڑ کنگءِ بھر جوڑ بہ بیت۔

آئیءَ گشتگ کہ انفارمیشن گروپ ء ُ میڈیا ءِ دارومدار ہم آئیدیاز ءَ بیت۔ آ پنچ شمبےء ِ روچءَ انفارمیشن سروسز اکیڈمی ءَ 35 سپیشلائزڈ ٹریننگ کورس ءِ باسکانی پاسنگ آؤٹ مراگشءَ گوں تران کنگءَ بوتگ۔ حالء ُ احیوالکاری ءِ سیکرٹری شفقت جلیل ، انفارمیشن گروپ ءِ سینئر افسر ظہور برلاس، اے پی پی ءِ ایم ڈی قمراللہ چوہدری ، چیف انفارمیشن کمشنر محمد اعظم ءَ ہوار حال احیوالکاری وزارت ءِ ایندگہ افسر ہوار بوتگ اَنت۔

آئیءَ گشتگ کہ گوستیں وہد فزیکلی طاقت، کائنیٹک وارء ُ ایٹم بمب ءِ وہد بوتگ نوں آؤکیں دور آئیڈیاز ءِ دور اِنت۔ آئیءَ گشتگ کہ میڈیا ءِ انوگیں جاورحالءِ سوبءَ گوستگیں 10سالاں کہ مارا اے نیمگءَ کہ کار کنگی بوتگ ما نہ کتگ، میڈیا حکومتی اشتہاراتءِ سرءَ دیما نہ رؤت، اشتہارات پہ حساب دیئگ بنت چیا کہ اشتہارات اَ ں اُلسءِ ٹیکس ءِ زر کارمرز بنت، پی ٹی آئی حکومت یک یک کلدارے ضلورتءِ ردءَ حرچ کنت۔