کوئٹہ۔(پاکستان پوائنٹ نیوز۔25 جولائی۔2016) گوادر پورٹ اتھارٹی نا چیئرمین دوستین خان جمالدینی پارینے کہ گوادر نا گوازی گر آتیٹی بے پناہ ٹیلنٹ ارے اگہ اوفتے وارخواہی و آسراتی تننگے تو او بلوچستان و پاکستان نا پن ءِ روشنا کننگ کیرہ۔ گوازی نا پٹ آباد مننگ آن ورناتے راجی برائی تیان مر کننگ مریک۔ داخیال آتا درشانی ءِ او گوادر نا میر غوث بخش بزنجو اسٹیڈیم اٹی اکبر کلمتی میموریل فٹ بال ٹورنامنٹ نا افتتاحی دود آن تران کرسا کرے۔
داوخت آ میونسپل کمیٹی گوادر نا چیئرمین بابوگلاب، مسکوہی صوبائی وزیر میر عبدالغفور و ضلعی انتظامیہ نا آفیسر، شاری و فٹ بال نا شونکی تا بھلو کچ اس ساڑی ئس۔ گوادر پورٹ اتھارٹی نا چیئرمین دوستین جمالدینی پارے کہ جان جوڑ راج انا اڈتننگ کن گوازی تا اہمیت آن نہ من ممکن اف گوادر اٹی فٹ بال زمانہ بھلو وخت اسینا بھاز شونک اٹ گوازی کننگک و گوادر آن تعلق تخوک آ لائخ آ گوازی گر سلطنت آف عمان نا قومی ٹیم نا بشخ ئسکہ ۔ اومیر اکبر کلمتی میموریل فٹ بال ٹورنامنٹ نا اڈتننگ نا خیر مقدم ءِ کرسا پارے کہ ٹورنامنٹ ہراڑے گوادر ناورناگوازی گر تا لائخی تے مون آ ہتنگ کن کمکار ثابت مریک ہموڑے ورنانسل ءِ راجی برائی تیان مرتخنگ اٹی اہم کڑد ادا کیک۔
