اوغانستان نا وزیر اطلاعات عبدالباری جہانی تینا عہدہ غان استیفہ تس

کابل(پاکستان نیوز پوائنٹ 8نومبر2016ء) اوغانستان نا وزیراطلاعات عبدالباری جہانی تینا عہدہ غان استیفہ تس۔ اوغان میڈیا نا رداٹ راجی میل جول نا ویب سائٹ آ جاری بیان اٹی اوپارینے کہ ناجوڑی نا سوب او وزیراطلاعات نا حیثیت اٹ زمواری تے ادا کننگ آن قاصر ءِ۔ اوپارے کہ دارداٹ اواوغان صدر ءِ تینا استیفہ ءِ راہی کرینے۔ عبدالباری جہانی ءِ اپریل اٹی وزیر اطلاعات نا زمواری تے تننگاسس۔ اوغان ادبی و دودوربیدہ ہی حلقہ غاتیٹی او بے حد پنی ءِ۔ او شاعر مننگ آن بیدس کیہی کتاب آتا مصنف ہم ارے۔