اوغانستان کن امریکہ نا خصوصی مندوب زلمے خلیل زاد کابل آ سرمس

کابل (پاکستان پوائنٹ نیوز20دسمبر 2018ء) اوغانستان کن امریکہ نا خصوصی مندوب زلمے خلیل زاد ابوظہبی ٹی طالبان تا نمائندہ غاتون اوڑدہی و مذاکرات آن پد کابل آ سرمسنے۔ کابل اٹی امریکی سفارت خانہ نا کنڈآن پاننگانے کہ امریکی مندوب کابل اٹی اڈ کننگ نا وخت آ صدر اشرف غنی و چیف ایگزیکٹو عبداللہ عبداللہ تون اوڑدہی کیک و اوفتے مذاکراتی عمل نا سرجم احوال آتیان معلومدار کیک۔ داوخت اسکان امریکی کارندہ ابوظہبی ٹی زلمے خلیل زاد و طالبان تا نمائندہ غاتا نیام اٹ مروک آ میٹنگ آ خاموشی اختیار کرینے۔ دامذاکرات آتے ٹی پاکستان، سعودی عرب ومتحدہ عرب امارات نا نمائندہ غاک ہم ساڑی ئسر۔ اوغان حکومت تینا مذاکراتی ڈل ءِ ابوظہبی آ رادہ کریسس ولے او مذاکرات اٹی بشخ ہلتو۔