مسجدالحرام نا بھلا درگہ غاتا جوڑ کننگ نا کاریم آخیریکو مرحلہ غاتے ٹی

مکہ مکرمہ (پاکستان پوائنٹ نیوز19دسمبر 2018ء) مسجد الحرام نا انتظامیہ بھلا درگہ غاتا جوڑ کننگ نا کاریم ءِ گڈیکو دروشم اس تننگ نا بنا ءِ کرینے۔ سعودی ذرائع ابلاغ نا رداٹ حرم پاک نا انتظامیہ نا کنڈآن جاری کروک پڑو اٹی پاننگانے کہ مسجد الحرام نا مرکزی باب الملک عبدالعزیز، باب العمرہ و باب الفتح ءِ حتمی دروشم تننگ انگ ءِ۔ مسجد الحرام انتظامیہ نا ماتحت تعمیراتی معاملہ نا ادارہ نا کمکار ڈائریکٹر جنرل محسن الصبان پارینے کہ انتظامیہ نا سروک اعلی شیخ ڈاکٹر عبدالرحمان السدیس مچ آ کاریم نا براہ راست چاروکی ءِ کننگ ءِ۔ درگہ غاتیا سنگ مر مر خلنگ انگ ءِ۔ داکان بیدس صوتی نظام اس ہم خلنگ انگ ءِ۔ ہرانا فوٹو سٹیٹ کاپی زائر آتے ٹی بشخ وپانٹ کننگ انگ ءِ۔