امریکی صدارتی گچین کاری تیان ایران امریکہ تعلقداری تا نوعیت آ ہچ ءُ پرخ اس تمپک، ایران

تہران(پاکستان نیوز پوائنٹ 8نومبر2016ء) ایران نا وزارت خارجہ نا ترجمان بہرا م قاسمی پارینے کہ امریکہ ٹی صدارتی گچین کاری تیان ایران امریکہ تعلقداری نا نوعیت آ ہچ ءُ پرخ اس تمپک۔ ایران احوالکار آتارداٹ بہرام قاسمی تینا اسہ بیان اسے ٹی پارے کہ اودے امریکہ ٹی مروک آ صدارتی گچین کاری تا نتیجہ ٹی ایران نا بابت خاص ءُ بدلی اسے نا اومیت اف۔ بہرام قاسمی نا پاننگ ئس کہ ننے ہروئی مریک کہ امریکی الس دیرے تینا صدر گچین کیرہ ولے ای صفا کننگ خواوہ کہ امریکی اقتدار اٹی بروک آ ہرکس نا کہ حکومت مرے ایران تون مروک آ جامع ایٹمی معاہدہ نا پابند مریک و اودے لتاڑنگ کپک۔

اسہ سوج اسے نا ورندی ٹی ایران نا وزارت خارجہ نا ترجمان پارینے کہ امریکہ ٹی توروک آ میراث آتیان بابت کیس انا پیروی کننگ انگ ءِ۔ بہرام قاسمی نا پاننگ ئس کہ دا کیس تیناایسری کسرءِ طے کننگ ءِ و مچ آ دنیا نا عدالت و خاص وڑاٹ جہانی عدالت انصاف اٹی ہر کیس انا سماعت اٹی بہرحال بھلو وخت اس درکارمریک۔