اقوام متحدہ (پاکستان نیوزپوائنٹ 12 فروری2018ء) اقوام متحدہ ءِ سیکرٹری جنرلانتونیو گوترشءَ نامداریں قانود دان عاصمہ جہانگیر ءِ بیرانی ءِ سرءَ دل ءِ جہلانکءَ گمء ُ ڈُکھءِ درشانی کتگء ُ گشتگ کہ مہ بنی آدمءِ ھکانی سرءَ کار کنوکیں یک سک مزنیں انسانے ءَ چہ زھبار بوتگ اَنت۔ عاصمہ جہانگیر بنی آدم ءِ ھکانی ءِ ھاترءَ اقوام متحدہ ءِ ھاسیں ایلچی ھم بوتگ۔
نیویارک ءِ تہا میاں اوستمانی ادارگء ِ صدر کار گسءَ چہ جاری بیانءِ تہا انتونیو گوترش ءَ گشتگ کہ عاصمہ جہانگیر ءِ بیرانی ءِ ھال ءَ را پاکستان ء ُ سرجمیں دنیاءَ گمء ُ ڈکھءِ گوما گوشدارگ بوتگ۔ آئیءَ یک نامداریں کانود زانتءِ ارزشت ءَ چہ وتی ملک ء ُ اقوام متحدہ ءِ ھاسیں ایلچی ءِ ارزشتءَ چہ سرجمیں دنیاءِ بنی آدم ءِ ھکء ُ آھاناں انصاف ءِ پھجارینگ ءِ ھاترءَ سک باز جدوجہد کتگ۔ آ شاہوکار ، اصول دوست، بہادر ء ُ مہربانیں مردمے بوتگ۔ انتونیو گوترشءَ عاصمہ جہانگیر ءِ بیرانی ءِ سرءَ آئی ء ِ ھاندان ، کسء ُ عزیز، اقوام متحدہ ء ُ پاکستان ءَ آئیءِ کسء ُ ھمراھ آں گوں دلپدردی ءِ درشانی کتگ ء ُ گشتگ کہ آ دائمءَ یات کنگ بیت۔
