یمن ، ڈرون اُرشءِ تہا القاعدہ ءِ 6مردم بیران

صنعاء(پاکستان نیوزپوائنٹ 12 فروری2018ء) یمن ءِ وسطی صوبہ البیضاء ءَ بے پائلٹ گراب ءِ میزائل اُرش ءَ القاعدہ ءِ 6جنگول بیران بوتگ اَنت۔ عرب ھال دروسیلگءِ گشگءِ ردءَ یک یمنی اہلکار ءَ ھال دا تگ کہ البیضاء ءِ دمگ قیافہ ءَ ڈرون ءَ یک شمبے ءِ روچءَ روچءِ بھکگءَ پد یک گاری ءَ را میزائلءَ چہ وج کتگء ُ آئیءِ تہا سوار 6مردم بیران بوتگ اَنت۔ اے دمگ ءَ القاعدہ ءِ جنگول باز اَست۔ اے ھیال کنگ بیت کہ اے ڈرون اُرش امریکہ ءَ کتگ۔ زانگ بہ بیت کہ اقوام متحدہ ءِ بندشانی سرپانکی کنوکیں یک کمیٹی ءَ انوں زوتاں وتی جاری کتگیں رپورٹءِ تہا گشتگ کہ القاعدہ ءِ میاں اوستمانی نیٹ ورک باز ترندء ُ مھکم اِت ء ُ بازیں دمگانی تہا آ داعش ءَ چہ ھم گیش ھترناک اِنت۔