پاکستان ءِ تپاکیں راجانی گل ءِ امن دستہ ءَ ھوار کارندہانی رکھگ ءِ ھاترا گامگیج ءِ لوٹ ،تپاکیں راجانی گل ءِ پکہ نماھندگ ڈاکٹر ملیحہ لودھی ءِ امن مشنز ءِ ھاترا افرادی تاگت پھجاروکیں ملکانی دیوان ءِ گوما تران

پاکستان ءِ تپاکیں راجانی گل ءِ امن دستہ ءَ ھوار کارندہانی رکھگ ءِ ھاترا گامگیج ءِ لوٹ ،تپاکیں راجانی گل ءِ پکہ نماھندگ ڈاکٹر ملیحہ لودھی ءِ امن مشنز ءِ ھاترا افرادی تاگت پھجاروکیں ملکانی دیوان ءِ گوما تران

اقوام متحدہ (پاکستان نیوزپوائنٹ 09 فروری2018ء) پاکستان ءَ اقوام متحدہءِ اامن مشنز ءِ دستہ ءَ ھوار کارندہانی رکھگ ءَ را یقینی جوڈ کنگ ءِ لوٹ کتگ۔اے لوٹ اقوام متحدہءِ تہ پاکستان ءِ پکہ نماھندگ ڈاکٹر ملیحہ لودھی ءَ میاں اوستمانی ادارگ ءِ امن مشنز ءِ ھاترا مردمی تاگت پھجاروکیں ملکانی دیوان ءَ چہ شریک چیئرمین ءِ بستار ءَ گوشتانک دات۔وتی گوشتانک ءِ تہ آہاں گوستگیں سال ءَ تپاکیں راجانی گل ءِ امن مشنز ءَ ھوار کارندہانی بیرانی سرا تکانسری ءِ درشان کت۔

اقوام متحدہ ءِ امن مشنز ءِ ھاترا مردمی تاگت پھجاروکیں ملکانی گروپ پاکستان ءُُ مراکش ءَ گوستگیں سال ءَ ہڈ داتگ ءُُ ایشی ءِ مکسد اے ملکانی نیام ءَ رھوت ءِ ودکی ءُُ دیمپانی ءِ ھوالہ ءَ گوں دیما آوکیں نوکیں چیلنجز ءِ سرا پجی ءَ چار ءُُ تپاس کنگ انت۔پاکستانی مندوبءَ وتی گوشتانک ءِ تہ اے رپورٹ ءَ را ھم ساڑاتگ ہمہ کہ امن مشنز ءِ کارندہانی رکھگ ءُُ دیمپانی ءِ ھوالہ گوں اے گاماں ھوار انت۔

اے رپورٹ برازیلی فوج ءِ ریٹائرڈ لیفٹیننٹ جنرل کارلوس البرٹو ڈوس سانتوز کرز ءَ جوڈکتگ۔آہاں اے معاملہا ءِ سرا ھیال ریچی ءِ ھاترا گند ءُُ نندیءِ سرا رضامندی ءِ سرا اقوام متحدہ ءِ انڈر سیکرٹری جنرل جین پیری لا کرکس ءِ منت گپتگ انت۔ انڈر سیکرٹری جنرل جین پیری لا کرکس ءَ اے درگت ءَ دیوان ءِ شریدارءَ را سرپدی داتگ۔آہاں سرجمیں دگنیا ءَ امن ءِ برجاہی ءِ ھاترا جان قربان کنوکیں سیکیورٹی کارندہاں را خراج عقیدت ھم پیش کت۔

پاکستانی مندوب ءَ جمہوریہ کانگو ءُُ دگنیا ءِ دگہ بہراں جان آنی قربانی دیوکیں پاکستانی کارندہانی گپ ھم جتگ۔دیوان ءِ تہ اقوام متحدہ ءِ امن دستہ ءِ ھاترا مزنیں کساس ءَ مردمی تاگت پھجاروکیں ملک آنی تہ بنگلہ دیش، اٹلی، ایتھوپیا، یوروگوائے، سینیگال ءُُ انڈونیشیا ءِ سفیراں بہر زوراتگ۔دیوان ءِ ساعت ءَ باست ءُُ واست ءِ تہ چین، گویانا اور برکینا فاسو ءِ سفیراں بہر زوراتگ۔(ن۔ا۔ج)