اقوام متحدہ(پاکستان نیوزپوائنٹ22ستمبر2017ء) اقوام متحدہ نا جنرل اسمبلی آن تران کرسا وزیراعظم شاہد خاقان عباسی پارے کہ چینی صدر نا بیلٹ و روڈ انا ڈٹ آن اسیجائی شونداری نا عکاسی مریک و دا ملک آتا نیام اٹ کمکاری نا اسہ گچین ءُ ماڈل و شونہالی و شونداری نا کنڈآ اسہ ٹھوس ءُ کسر اسے۔ وزیراعظم شاہد خاقان عباسی جہانی راہشون آتے پارے کہ پاکستان نا معیشت اٹی گدرینگوک آ چار سال اٹی شاندار گچینی بسنے۔
اوپارے کہ چائنہ پاکستان اکنامک کوریڈور اقتصادی شونداری کن پین اہم کڑد ادا کیک۔ اوپارے کہ پاکستان و چین نا نیام اٹ شریداری، توانائی و ٹرانسپورٹیشن آن ہلیس کیہی ایلو بشخ آتسکان تالان مریک۔ اوپارے کہ پاکستان 207 ملین نا ورناتیا تالان آبادی اتون پراعتماد ءِ کہ او ودوک آ کٹیا ، کھپت و پیداوار ءِ کاریم اٹ اتسا اقتصادی حکومت عملی نا کمک اٹ شونداری نا کنڈآ کاہک۔ اوپارے کہ پاکستان تینا ہدف آتا دوئی کن تینا ملک انا تہٹی و تینا سیم تا ایب وکیب سلامتی نا خواہندار ءِ۔ اوپارے کہ نن غٹ ریاست آتون بریبری و وت واجہی نا بنداو آ گچین تعلقداری نا خواہندار اُن و نن سنگتی و کمکاری نا غٹ پیشکش آتیا مثبت وڑاٹ مون آ کانہ۔
