وزیراعظم شاہد خاقان عباسی نا اردن نا شاہ عبداللہ دوم تون اوڑدہی، سیاسی ، معاشی و دفاعی تعلقداری تے پین سوگو جوڑ کننگ آ اتفاق

اقوام متحدہ۔ (پاکستان نیوزپوائنٹ20ستمبر2017ء) وزیراعظم شاہد خاقان عباسی اقوام متحدہ نا جنرل اسمبلی نا 72می دیوان نا وخت آ اردن نا شاہ عبداللہ دوم تون اوڑدہی کرے۔ اوڑدہی ٹی ہڑتوم آ راہشونک سیاسی، معاشی و دفاعی تعلقداری تے پین سوگو جوڑ کننگ آ اتفاق کریر۔ وزیراعظم شاہد خاقان عباسی اقوام متحدہ نا جنرل اسمبلی نا دیوان اٹی پاکستانی ڈل انا سروکی ءِ کننگ ءِ۔ اوڑدہی ٹی ہڑتوم آ راہشونک اتفاق کریر کہ اسیجائی مفادآتا دوئی کن ہڑتوم آ کنڈآتا رابطہ غاک بایدے معمول اتون مریر۔ وزیراعظم میڈیا آفس آن جاری بیان نا رداٹ وزیراعظم شاہد خاقان عباسی شاہ عبداللہ دوم ءِ پاکستان نا دورہ نا سلہ ہم خلک۔