کابل(پاکستان نیوزپوائنٹ11ستمبر2017ء) اوگان فورساں صوبہ نورستان ءَ فضائی اُرش ءَ 55 جنگول بیران کنگ ءِ جار جتگ۔ اوگان واکدار آنی ردا فورساں ناشرکارآنی ھلاپ ءَ صوبہ نورستان ءَ فضائی کارروائی کت اے ساعت ءَ 2کمانڈر آنی ھوار 55جنگول گشتگ انت۔ پولیس چیف محی الدین سروری ءَ گوشتگ کہ 300ءِ کچ ءَ اوگان طالبان پیسریگیں بازیں روچاں چہ صوبہ نورستان ءِ ڈسٹرکٹ برگ ماتل ءَ ساڑی اتنت ءُُ اُرشانی منصوبگ جوڈ کنگ اتنت۔
آہاں گوشتگ کہ اوگان فورس آنی فضائی کارروائی ءَ بیران بیوکیں کمانڈرآنی ءِ پجار محمد اسماعیل ءُُ فضل کریم ءِ نام ءَ گوں بوتگ۔ مزنوزیر شاہد خاقان عباسی ءِ گوما ساہیوال ڈویژن ءَ گوں سیادی داروکیں مسلم لیگ (ن) ءِ بنجاہی اسمبلی ءِ باسکانی گند ءُُ نند
