شام ، فضائی جلہو اٹی 8 شاری تپاخت، 30 ٹھپی

دمشق(پاکستان نیوزپوائنٹ 25جولائی2017ء) شام اٹی مروک آ اسہ فضائی جلہو اسے ٹی کم از کم 8 بندغ تپاخت کرینو۔ جرمن خبر رساں ادارہ نا رداٹ دا دھماکہ دمشق نا دے ٹکی بشخ اٹی باغی تا کوزہ ٹی علاقہ اربین اٹی مس۔ تپاخت کروک آتیٹی مسہ چناہم اوار ءُ۔ سیریئن آبزرویٹری فارہیومن رائٹس نا سروک رامی عبدالرحمان تینا اسہ بیان اسے ٹی پارے کہ دا جلہو ءِ شامی حکومت یاروسی جنگی جہاز آک کریر ہراٹی 30 بندغ ٹھپی مسر۔ مبصرآتا پاننگ ءِ کہ اربین نا داعلاقہ ٹی جنگ بندی نا اسہ معاہدہ غا عملدرآمد گدرینگوک آ ہفتہ نا ایسری آ بناء کروئی ئسک۔