مالے(پاکستان نیوزپوائنٹ 25جولائی2017ء) مزن وزیر محمد نواز شریف ءِ شرپءَ سئے شمبے ءِ روچءَ ایوان صدر ءَ وش اَتکی مراگش بوتگ مالدیپ ءِ 52می آجوئی ءِ روچءِ مراگشءَ ھوار بوھگءِ ھاترءَ صدر عبداللہ یامین عبدالقیوم ءِ دعوتءِ سرءَ مالدیپ ءِ 3روچی سرکاری ترء ُ تابءِ سرءَ اِنت۔ صدارتی کارگس آھگءَ صدر عبداللہ یامین ءَ مزن وزیر محمد نواز شریف ءَ را وش اَتک کت، اے موھءَ مزن وزیر ءَ را 7ٹوپانی سلانی دیئگ بوتگ، پاکستان ء ُ مالدیپ ء ِ راجی سوت جنگ بوتگ اَنت۔
مالدیپ ءِ سلاھ بندیں فوج آنی دستہ ءَ مزن وزیر ءَ را سلامی پیش کتگ۔ مزن وزیرءَ گارڈ آف آنر ءِ تپاسی ھم کتگ۔ مزن وزیر محمد نواز شریف مالدیپ ءِ دری کارانی صلہ کار سرتاج عزیز ھم آئی ءِ ھمراھ بوتگ۔ دو زھگاں مزن وزیرء ُ آئیءِ لوگی ءَ را گلدستگ پیش کتگ۔ مالدیپ ءِ دیمپانی ءِ دستہ ءَ آئی ءَ را سلامی پیش کتگ۔
