ہڑدڑی حالیت آتا واک آتے بیرہ دہشت گرد تنظیم آتا برخلاف کاریم اٹ اتنگا، صدر اردوان

انقرہ(پاکستان نیوزپوائنٹ 15جون2017ء) ترک صدر رجب طیب اردوان پارینے کہ ہڑدڑی حالیت آتا واک آتے بیرہ دہشت گرد تنظیم آتا برخلاف کاریم اٹ اتنگانے۔ درملکی خبر رساں ادارہ نا رداٹ جنڈارمری کمان نا ڈل اتون اوڑدہی کرسا ترک صدر پارے کہ 15جولائی نا بے سہب بغاوت آن پد پڑوکروک آ ہڑدڑی حالیت آتا واک آتے بیرہ دہشت گرد تنظیم تا برخلاف کاریم اٹ اتنگانے۔ دہشت گرد تنظیم پی کے کے نا برخلاف جہد اٹی جنڈارمری اہم انگا کڑد ءِ ادا کننگ ءِ۔ جنڈارمری بے کچ جیرت مندی و دلیری اتون دہشت گرد آتا صفایا ءِ کننگ ءِ۔ ننے سرسہبی تے ودفسا جہد ءِ جاری تخنگ نا گرج ءِ۔