انقرہ(پاکستان نیوزپوائنٹ 16جون2017ء) اقوام متحدہ نا سیکرٹری جنرل پارینے کہ اسرائیل ، شام اٹی جبہ النصرہ تون اوار چندی دہشت گرد رڑتا مخ تفی ءِ کیک۔ ارنانیوز نا رپورٹ نا رداٹ اقوام متحدہ نا سیکرٹری جنرل آنٹو نیوگوٹرش پارینے کہ مقبوضہ گولان نا علاقہ ٹی اقوام متحدہ نا محافظ امن فورس انا بیان اٹی بسنے کہ صیہونی حکومت گڑاس وخت سلہہ بند و دہشت گرد رڑآتون براہ راست رابطہ کرینے و اوفتے امداد گدریفینے۔
دا رپورٹ نا رداٹ اقوام متحدہ نا محافظ امن فوج داوخت اسکان صیہونی حکومت و دہشت گرد رڑتانیام اٹ شانزدہ وار رابطہ غاتے ریکارڈ کرے۔ اقوام متحدہ نا سیکرٹری جنرل صیہونی حکومت آن خواست کرینے کہ او اقوام متحدہ نا محافظ امن فورس انا رکھ اکن سم و میزائل فائر کننگ آن پاناد کے۔ یات سلے کہ شامی فوج داکان مست ہم واروارخبردار کرینے کہ صیہونی حکومت ، دہشت گرد آتا کمک و مخ تفی ءِ کیک۔
