جہانی بینک اوغانستان کن 500 ملین ڈالر نا مالی اعانت نا پیکج نا منظوری ءِ تس

واشنگٹن(پاکستان نیوزپوائنٹ 14جون2017ء) جہانی بینک اوغانستان نا نزور مروک آ معیشت ءِ سیبو تننگ نا سمت اٹی اہم ءُ گام ہرفسا داڑکن 500 ملین ڈالر نا مالی اعانت نا پیکج نا منظوری ءِ تس۔ ذرائع ابلاغ نا رداٹ جہانی بینک انا دا پیکج آن اوغانستان نا پنچ صوبائی دارالحکومت آتیٹی خذمت آتے گچین جوڑ کننگ اٹی کمک رسینگک۔ جہانی بینک تینا اسہ بیان اسے ٹی پارینے کہ دا خصوصی پیکج آن اوغانستان اٹی پناہ گزین آتا حالیت اٹی گچینی بریک و نیزگار آتے کن نجی بشخ انا وارخواہی تے پین ودفنگ مریک۔