ترک صدر خلیجی تنکی نا ایسری کن ٹرمپ اتون اوڑدہی اس کیک، ترک دفترخارجہ

ترک صدر خلیجی تنکی نا ایسری کن ٹرمپ اتون اوڑدہی اس کیک، ترک دفترخارجہ

استنبول(پاکستان نیوزپوائنٹ 14جون2017ء) ترک وزیر خارجہ میولودچاوش اولو نا کنڈآن جاری کروک بیان اٹی پاننگانے کہ خلیجی تنکی نا ایسری کن ترک صدر رجب طیب اردوان زوت امریکی صدر ڈونلڈ ٹرمپ اتون اوڑدہی کیک ۔ ترکی نا خبررساں ادارہ نا رداٹ ترک وزیر خارجہ میولودچاوش اولو پارینے کہ ترک صدر و امریکی ہم منصب نا سلاہ ئی اوڑدہی ٹی قطر تنکی، شامی ویل و دہشت گردی نا برخلاف جنگ آہم ہیت وگپ کیرہ۔

میولودچاوش اولو پارینے کہ دا سلاہ ئی اوڑدہی بروک آ منہ دے اٹی گمانی ءِ۔ یات سلے کہ ترکی نا صدر رجب طیب اردگان قطر ءِ تنیا کننگ نا کوشست آتے غیر انسانی و غیر اسلامی گوندانے۔ اوقطر انا پبی دفاع ءِ کرسا پارے کہ قطر انا برخلاف خلوک آ سنگین دوبہ غاک ڈیہہ نا مفاد اٹی افس، قطر وخت اس ہم دہشت گردی نا مخ تفی ءِ کتہ نے۔ بلکن داعش نا برخلاف جنگ اٹی اہم کڑد ادا کرینے۔