پوګس (تاجکستان) (پاکستان نیوزپوائنٹ 6جولائی2017ء) د پاکستان، کرغزستان، افغانستان او تاجكستان مشرانو پايه تخت دوشنبے څخه نزدې 36 كلوميټره لرې د درياب په غاړه وادي ورزوب كښې ملاقات كړے ۔ د وزيراعظم محمد نواز شريف پشمول افغان اولس مشر اشرف غني٬ تاجك اولس مشر علي رحمانوف او د كرغزستان وزيراعظم سوران بے جين بيكوف د كاسا 1000 څلورو هېوادونو غونډه كښې ګډون وكړو۔
د اوبو او برېښنا وفاقي وزير خواجه محمد آصف اے پي پي ته ووئيل كاسا 1000 يو نعمت ثابت شوے كوم چې لارښودو ته د ملاقات ٬ يو بل سره د خيالاتو څرګندونې كولو او د كومې هم ستونزې هواري له د وړاندې تلو موقع وركړې۔ ده ووئيل وزیراعظم نواز شریف دې نه وړاندې آستانه كښې د اېس سي او مشرانو غونډې په مهال افغان اولس مشر سره ملاقات كړے ؤ۔ ده ووئيل د مشرانو دې غونډې يوه بله موقع وركړې او هيله لرلې شي چې دا به د سيمه ايزې همغږۍ او خپلو كښې د رابطې ساتلو لپاره د وزيراعظم نواز شریف خوب ريښتيا كولو له مرستياله وګرځي۔
د كاسا جائزه غونډې په پايه وزیراعظم نواز شریف او اولس مشر امام علی رحمانوف د ورزوب درياب په غاړه د شريكې خوښې په چارو د خيالاتو څرګندونه وكړه۔ وروستو افغان اولس مشر اشرف غني او كرغز وزيراعظم هم د غرمې د مېلمستيا به دستوره كښې دوئي سره شامل شول۔ په دې مهال نواز شریف او اشرف غنی د يو بل لاس ونيول او كانفرنس هال ته ننوتل۔ دې څخه وړاندې وزیراعظم محمد نواز شریف د ’’کاسا 1000‘‘ غړو هېوادونو سره د مصنوعاتو نندارتون خارنه وكړه۔ لارښودو د بېلو سټالونو ننداره وكړه۔ وزيراعظم نواز شريف د تاجكستان دوره بشپړولو څخه وروستو هېواد ته راستون شو۔
