اسلام آباد (پاکستان نیوز پوائنٹ 16دسمبر2016ء) پاكستان په لائن آف كنټرول نيكيال سېكټر كښې د هندي پوځ لخوا د سيزفائر خلاف ورزۍ او د سكول د ماشومانو ګاډي په نخښه كولو غندنه كولو سره هند ته سخت احتجاج رېكارډ كړے ۔د هند دوهم هائي كمشنر جے پي سنګھ د جمعې پھ ورځ خارجه دفتر ته رابللې شوې او د احتجاج مراسله هغه ته وركړې شوې۔د خارجه دفتر وياند له مخې(د سوئېلي آسيا او سارك)دوهم ډائرېكټر ډاكټر محمد فيصل د هند دوهم هائي كمشنر جے پي سنګه راوبللې او د جمعې پھ ورځ په اېل او سي نيكيال سېكټر كښې د هندي پوځ لخوا د سيز فائر خلاف ورزي او سكول ګاډې په نښه كولو ئې سخته غندنه كړې ده چې په نتيجه كښې يو سوېلين شهيد او څلور ماشومان ژوبل شوي۔
ده ووئيل قصد ًا سول آبادۍ٬كلي٬عام ټرانسپورټ او سكول ګاډي په نښه كولو چې څومره غندنه وشي لږه ده او دا د بشري حقونو او نړيوالو قوانينو خلاف ورزي ده۔وياند ووئېل دوهم ډائرېكټر په هند زور راوړو چې هغوي د سيز فائر لوظ نامې احترام او اوسنې او نورو سيز فائر خلاف ورزو پلټنې وكړي۔ده ووئيل هند دې خپل ځواكونه د ډزبندۍ لوظ نامې پابند كړي او د كليو او سوېلين په نخښه كولو نه دې ډډه وكړي۔
