اسلام آباد (پاکستان پوائنٹ نیوز10دسمبر 2018ء) د وزيراعظم عمران خان په مشرۍ كښې د څو ساعتو نه د وفاقي كابينې په خاص روانه غونډه كښې د ټولو وزارتونو د كاركردګۍ جاج اخستلې كېږي۔د وزيراعظم د دفتر لخوا ماښام شپږ بجې جاري شوي بيان له مخې د بېلا بېلو وزارتونو د كاركردګۍ جاج اخستلو لپاره د وفاقي كابينې خاص غونډه د تېرو شپږ نيمو ساعتو نه روانه ده٬په غونډه كښې په هر يو وزارت كښې د خذماتو وركړې او د كفايت شعارۍ پالېسۍ خپلولو په لړ كښې په شوو اقداماتو او د سباؤن د پروژو په خاص توګه د هر يو وزارت د كاركردګۍ په لا ښه كولو خبرې كېږي۔
په غونډه كښې پريكړه وكړې شوه چې هر يو وزارت ته به عملدرآمد لپاره د پنځو كلونو د خاص ستراتېژېكي پلان تيارولو هدف وركولې شي چې دغسې كاركردګي زيات نه زياته بهتره كړې شي۔په غونډه كښې دا ډول د جاج اخستنې غونډه هر درې مياشتې پس د كولو پريكړه هم وكړې شوه چې دغسې د وزارتونو د كاركردګۍ جاج واخستلې شي او دا خبره باوري كړې شي چې د حكومت مجموعي كاركردګي په سم پلو روانه وي۔
د دې اقداماتو بنيادي مقصد د پاكستاني وګړو د ژوند معيار لوړول دي۔له بلې خو د اطلاعات او خپرونو وفاقي وزير چوهدري فواد حسېن لخوا په جاري شوي ټوېټ كښې وئېلي دي د 100 ورځو كاركردګۍ په اړه د وزيرانو بريفنګ د ګل په سهار 11 نيمې بجې پېل شوې او لا هم روان دې۔په ټوېټ كښې وئېلي شوي وزيراعظم عمران خان چې كوم محنت٬صبر او تحمل سره د ټولو وزيرانو د كاركردګۍ جاج اخلي٬د يوازې د هغه خصوصيت دې٬په 100 ورځو كښې وزارتونو چې كوم كار كړې په تېرو لسو كلونو كښې د دې تصور هم نشو كېدلې۔
