اسلام آباد (پاکستان نیوزپوائنٹ 15 اگست2016ء) د خارجه دفتر وياند نفيس زكريا وئيلي دي پاكستان هند سره ټولې مسئلې د خبرو اترو د لارې هوارول غواړي۔ د دې خيالاتو څرګندونه ده يوه مركه كښې وكړه۔ ده ووئيل پاكستان هند ته په كشمير د خصوصي خبرو اترو بلنه وركړې ده ۔ ده ووئيل پاكستان يو امن خوښې هېواد دے او ټولو ګاونډيانو هېوادونو سره د ملګرتيا اړيكې غواړي۔
ده ووئيل منطقه كښې د اوږدې مودې امن لپاره د كشمير مسئلې هواري ته اړتيا ده۔ وياند ووئيل نړيوالې ورورولۍ له به هم په دې اړه خپل كردار ترسره كول وي۔ ده ووئيل پاكستان د ملګرو ملتونو د قراردادونو په رڼا كښې د كشميري اولس د خوښې ترمخه د كشمير مسئلې هوارے غواړي۔ وياند ووئيل د كشميريانو د آزادۍ هڅو د پېل نه تر دې دمه 100 زره څخه زياتو كشميريانو د خپلو سرونو قرباني وركړې۔
20 زره معذوره شوي ۔ نفيس زكريا ووئيل د جولائي په 8 مه نېټه د كشميري زلمي شهادت د آزادۍ هڅو له نوې ولوله وركړې۔ په دې مهال 70 كشميريان شهيدان ٬ 6 زره ژوبل او 500 نور سخت ژوبل شوي دي۔ د ترهه ګرۍ په اړه ده ووئيل پاکستان د ترهه ګرۍ په سوب تر ټولو زيات ځپلې شوې او هېواد ته د 150 اربه ډالرو زيان شوے۔ ده ووئيل نړۍ بايد د ترهګرۍ په ضد جنګ كښې د پاكستان قربانۍ تسليم كړي۔ ترهګري نړيواله مسئله جوړه شوې او پاكستان نورو هېوادونو سره په دې اړه خپلې تجربې ګډولو له چمتو دے۔ (وا/ض ض/ګ ل/2036)
