اسلام آباد(پاکستان نیوز پوائنٹ 04 اگست 2016ء) د حج وړومبې پرواز كښې 329 حج كونكي مدينې ته اورسېده ۔د مذهبي چارو وفاقي وزير سردار محمد يوسف د اسلام آباد په بېنظيرهوائي مېدان كونكو ته په مخه ښه ووئيل۔ده حج كونكو ته خاص تلقين وكړو چې په حجاز مقدس كښې د لويې څښتن مېلمانه او د پاكستان سفيران جوړ شي٬د سعودي د قوانين او كلتور خيال وساتي٬د لويې څښتن په دربار كښې د خپلو خپلوانو او هېواد لپاره دعاګانې وغواړي۔
د زيارت په ورځ د بېنظير نړيوال هوائي مېدان نه د حج وړومبې پرواز حجاز مقدس ته په روانېدو حج كونكو ته خپل خطاب كښې ده ووئيل دا وخت زمونږ لپاره د خوشحالۍ دے چې مونږ نن د لويې څښتن په فضل د هغه مېلمانه يو او د وړومبي پرواز د لارې حجاز مقدس ته ځو۔ده ووئيل زما د اول نه دا هڅه وه چې دې مزل كونكو له زياتې آسانۍ وركړې شي۔ده ووئيل تاسو په سعودي كښې د لويې څښتن مېلمانه او د پاكستان سفيران شئ۔
ده ووئيل په پاكستان او سعودي كښې په هر ځاې د نظم وضبط څرګندونه وكړئ او په خاص توګه د مېرمنو او مشرانو خيال وساتئ۔ده حج كونكو ته ووئيل تاسو په يو داسې سفر روانېږۍ د كوم ارمان چې د ټولو مسلمانانو په زړه كښې پرت وي۔۔وزارت حج كونكو لپاره سږ كال انتظامي چارو او د حج مناسك او تربي خاص اهتمام كړې۔ده ووئيل د سعودي عرب د قوانين او كلتور احترام زمونږ د ټولو فرض دې۔تاسو ته خواست كوو كه چا تاسو له څه مشكوك څيز د وړلو لپاره در كولو هغه به نه پرېږدۍ۔ده ووئيل په مكه مكرمه او مدينه منوره كښې يو كنټرول آفس جوړ كړې شوې چې پكښې د حج كونكو آسانيو لپاره ډېرې څانګې كار كوي٬تاسو د هېلپ لائن د لارې يا پخپله هلته خپلې ګيلې درج كولې شۍ۔(ص ف/ض ض/وس/1652)
