نئی دہلی ٹی گارمنٹ فیکٹری ٹی خاخر لگا، 13بندغ تپاخت

نئی دہلی(پاکستان نیوز پوائنٹ 11نومبر2016ء) بھارتی دارالحکومت نئی دہلی ٹی گارمنٹ فیکٹری ٹی خاخر لگنگ نا نتیجہ ٹی 13بندغ تپاخت کریر۔ میڈیا رپورٹس آتارداٹ ہندی پولیس ترجمان پارے کہ خاخر لگنگ نا واقعہ جمعہ نا سہب ہنکینی علاقہ ساہی آباد اٹی واقع فیکٹری ٹی پیش بسنے۔ اوپارے کہ خاخر لگنگ نا سوب خاچوک آ 13بندغ تپاخت و 3ٹھپی مسنو۔ ہرافتے ہسپتال آ گدریفنگانے۔ اوپارے کہ واقعہ نا جاست و پاست نا بناکننگانے۔