کابل(پاکستان نیوز پوائنٹ 11نومبر2016ء) اوغانستان نا قطبی شار مرزا شریف اٹی جرمنی نا قونصل خانہ غا ٹرک خودکش جلہو اٹی 4بندغ تپاخت و 100 آن زیات ٹھپی مسنو وخت اس کہ جرمن عملہ رکھوک مس۔ میڈیا رپورٹ آتا رداٹ کمامدارآتا پاننگ ءِ کہ شدت پسند آک بارود آن پُر اسہ گاڈی اسے قونصل خانہ نا دیوال اتون دھماکہ اٹ بھس کریر۔ ہرانا نتیجہ ٹی 4بندغ تپاخت و 100 آن زیات ٹھپی مسنو۔
جرمن وزارت خارجہ نا ترجمان تینا اسہ بیان اسے ٹی پارینے کہ جلہو آن مست ہی دا عملہ نا اِرا درزن باسک رکھوک ہند آ منتقل مسر و اورکھوک ءُ۔ بیان نا رداٹ اوغان سیکورٹی و نیٹو فورس آک دا شدید سلہہ بند جلہو ءِ پسپا کریر۔ نیٹو نا ترجمان نا پاننگ ءِ کہ دا جلہو آن قونصل خانہ ءِ بھلو کچ اسے آ نسخان رسینگانے۔ اوپارے کہ جاگہ غا نیٹو نا دستہ ساڑی ئس و خلقت آتے رکھوک ہند آتیا گدریفنگا۔
