بغداد(پاکستان نیوز پوائنٹ 9نومبر2016ء) عراق نا دارالحکومت بغداد اٹی کاربمب دھماکہ ٹی کیہی بندغ تپاخت و ٹھپی مسر وخت اس کہ سیکورٹی فورس آک اسہ کارروائی اسے ٹی داعش نا 40جنگوڑوآتے کسفنگ نا داوا کرینو۔ عراقی میڈیا نا رداٹ بغداد آپریشنل کمان نا ترجمان پارے کہ بغداد نا دے ٹک اٹی واقع الامین الثانی نا علاقہ ٹی کاربمب دھماکہ ٹی کیہی بندغ آک تپاخت و ٹھپی مسر ۔
داکان بیدس عراقی پولیس نا اسہ بڑزکو عہدیدار اس پارینے کہ موصل ءِ دہشت گرد آتا کوزہ آن آجو کرفنگ نا کارروائی تا وخت البوسیف نا علاقہ ٹی دہشت گرد آتا اسہ ٹھکانہ اسے آ شدید بمباری کننگا ہراٹی داعش نا کم از کم چل جنگوڑو خلنگار، کہوک آتیٹی تنظیم نا اہم سرغنہ احمد حافظ ہم اوارے۔ ایلو کنڈا السی رضاکار فورس الحشد الشعبی موصل نا دیکی ٹی تلعفر ایئر پورٹ نا محاصرہ ءِ کرینے۔
