بغداد(پاکستان نیوز پوائنٹ 3 نومبر2016ء) عراق ءِ گوریچی شہر موصل ءُُ نینویٰ ءِ دمگ ءَ عراقی فوج ءُُ اتحادی ملک آنی جنگی طیارہ آنی بالی اُرش ءَ شدت پسند گروپ داعش ءَ غیر معمولی جانی تاوان دئیگ ءِ دعویٰ کرتگ انت۔عراقی فوج ءَ یک بیان ءَ گشتگ انت کہ گوستگیں روچ صوبہ نینویٰ ءَ داعش ءِ بازیں ٹھکانہ آنی سرا بالی اُرش کرت انت آھاں ءَ 100ءَ چہ زیات داعشی جنگجو بیران بوتگ انت۔
ٹیلی ویژن الحدث نیوز ءَ عراقی فوج ءِ یک ذرائع ءِ ھوالہ ءَ گشتگ انت کہ عراقی فوج ءُُ اتحادی آں پنچ ھند ءِ درا داعش ءِ ٹھکانہ آنی سرا بمباری کرتگ۔ او بروی نینویٰ ہوٹل ءِ سرا بمباری ءِ آسر ءَ 68جنگجو بیران بوت انت چوشکہ الغابات ءِ ھندءَ دومی بالی اُرش ءَ 29جنگجو بیران ءُُ 25ٹپی بوتگ انت۔ یک بالی اُرش داعش ءِ دیوان الجند، ہیڈ کوارٹر ءِ سرا کرت انت آئی ءِ آسر ءَ 10جنگجو بیران ءُُ 15ٹپی بوتگ انت۔ نینویٰ ءَ داعش ءِ یک سلاہ ڈپو ءِ سرا اُرش ءَ 10جنگجو بیران ءُُ مزنیں کساس ءَ گولہ بارود ہم تباہ کنگ بوتگ انت۔
