ترک سلہہ بند فوج انا سروک نا ماسکو ٹی روسی ہم منصب تون اوڑدہی

ماسکو(پاکستان نیوز پوائنٹ 3 نومبر2016ء) ترک سلہہ بند فوج انا سروک جنرل حلوصی آقار روس انا سلہہ بند فوج انا سروک جنرل ویلری گراسی موف تون اوڑدہی ٹی شام انا تازہ انگا حالیت آتیا ہیت وگپ کرینے۔ ہڑتوم آک شام اٹی جاری جھیڑہ غاتے چٹفنگ و حلب اٹی حالیت آتے نارمل کہول آ اتنگ و دہشت گرد تنظیم داعش ءِ علاقہ ٹی دوئی خطرناک حیثیت ءِ چٹفنگ و علاقہ ٹی امن نا اڈتننگ ءِ زوت آن زوت ممکن جوڑ کننگ کن ہڑتوم آ ملک آتا نیام اٹ کمکاریءِ مون آ دننگ کون آ معاملہ غاتیا درشانِ خیال کریر۔ دابارواٹی جاری کروک اعلامیہ ٹی پاننگانے کہ مذاکرات بھلو جوڑجاڑی گڑد اسے ٹی مسنے۔ مذاکرات اٹی ترک سلہہ بند فوج انا سروک جنرل حلوصی آقار تون اوار ترکی نا اودیم سروس نا سروک حقان فدان ہم ساڑی ئس۔