اقوام متحدہ(پاکستان نیوز پوائنٹ 21ستمبر 2016ء) مزن وزیر محمد نواز شریف ءُُ ترک صدر رجب طیب اردگان ءَ نیویارک ءَ جنرل اسمبلی ءِ 71 ھپتاد ءُُ یکمی سیشنءِ موہ ءَ گند ءُ نند کُت۔ گدن ءُُ نند ءِ ساھت ءَ دمگی جاور، مقبوضہ کشمیر، رودراتکی نیام، شام ءُُ عراق ءِ جاور آل آنی سر ءَ چار ءُُ تپاس گرگ بوت، 15جولائی 2016ءَ ترکی ءَ ناکامیں بگاوت ءَ چہ پد دوئی رھشون آنی نیام ءَ اولی گند ءُُ نند اَت۔
مزن وزیر ءِ کمک ءَ مشیر برائے درئی کار سرتاج عزیز ، ھاسیں کمک کار طارق فاطمی، درئیکارانی سیکرٹری اعزاز احمد چوہدری ءُُ ایندگہ کارندہ گون اتاں۔ مزن وزیر ءَ ترکی ءِ صدر ءِ بگاوت ءِ ناکامی ءِ سر ءَ پاکستان ءِ اُلس ءِ نیمگ ءَ مھکمیں کمک ءِ درشان کُت۔ نواز شریف ءَ دُگنیا ء اولی رھشون آنی تہ ءَ ھوار اِنت آئی ءَ بگاوت ءَ را ناکام کنگ ءِ سر ءَ ترک ءِ صدر ءَ را کال کُت ءُُ جمہوری گچین بوتگیں حکومت ءُُ ترکی ءِ اُلس ءِ گوما یکوئی ءِ درشان کُت۔
