نیویارک(پاکستان نیوز پوائنٹ 20ستمبر 2016ء) سعودی عرب ءِ ولی عہد شہزادہ محمد بن نائف بن عبدالعزیز ءَ نیویارک ءَ امریکی وزیر خارجہ جان کیری ءِ گوں گند ءُُ نند کرتگ انت ۔ سعودی ھال رسانکی ءِ ردا وتی تر ءُُ تاب امریکہ ءِ وھد ءَ دوئیں راھشون آں بوؤکیں گند ءُُ نند ءَ خطہءَ ھستیں بحران، دوئیں ملک آنی نیام ءَ یکجا کمک ءِ دیمروی ءِ ھواری ءَ دومی یکجا دلچسپی ءِ سرا ھیال ءُُ لیکھہ کرت انت ۔
ولی عہد ءُُ جان کیری ءَ مشرق وسطیٰ ءَ باؤکیں سکی ءُُ سوری ءُُ جنگ آنی ھلاسی ءِ سرا سرجمی ءَ ھیال ءُُ لیکھہ کرت انت۔ جان کیری ءِ گشگ ات کہ روس بشار الاسد ءِ سرا کنٹرول دست ءَ شتگ انت۔ آئیءَ گشتگ کہ بشار الاسد نہ الما بازیں سال آں وتی راج ءِ قتل عام ءَ دست گٹ انت بلکں کمکی قافلہ آں ہم بمباری ءِ نشانگ جوڑ کنگ ءَ انت۔ اے ہفتگ ماں حق یکجا کن انت ءُُ ایشی ءَ پد اے پیسلہ بہ کن انت کہ دیما مارا چے کنگی انت۔
جان کیری ءُُ ولی عہد ءِ نیام ءَ گند ءُُ نند ءِ وھد ءَ امریہ ءَ سعودی عرب ءِ سفیر شہزادہ عبداللہ بن فیصل بن ترکی، وزارت داخلہ ءِ مشیر شہزادہ عبدالعزیز بن سعود بن نائف ، وزیر مملکت مساعد بن محمد العیبان، وزیر مالیات ابراہیم بن عبدالعزیز العساف ءُُ وزیر خارجہ عادل الجبیر ہم ھوار ات۔
