سان یا (پاکستان نیوزپوائنٹ 11اپریل 2018ء) مزن وزیرشاہد خاقان عباسی ءَ گوں آسٹریا ءِ فیڈرل چانسلر سبسطین کرز ءَ سئے شمبے ءِ روچ ءَ ادا ایشیا ءِ واستہ باؤ فورم ءِ مراگش ءِ موہ ءَ گند ءُُ نند کت۔ مزن وزیر ءَ مسٹرکرز ءَ را چانسلر ءِ اگدہ ءِ سر ءَ بوھگ ءِ مبارکی دات۔ آئی ءَ گوشت کہ آسٹریا یورپی یونین ءِ ارزشتی ایں باسک اِت ءُُ یک بستار کرزیں شریکدار اِت۔
مزن وزیر ءَ آسٹرین چانسلر ءَ را پاکستان ءِ تر ءُُ تاب ءِ دعوت دیان ءَ دوئیں ملک آنی نیام ءَ دو نیمگی سیاسی ءُُ کاروباری رابطہ آناں گیش ودینگ ءِ ضلورت ءِ سر ءَ زور پر دات۔ گند ءُُ نند ءَ دمگی جاور ھال آنی سر ءَ ھیال ریچی کنگ بوت۔ مزن وزیر ءَ آسٹریا ءِ چانسلر ءَ را مقبوضہ کشمیر ءَ بھارتی اُرد ءِ نیمگ ءَ کودکیں شہری آنی سرءَ اُرش کنگ بوت ءُُ بھارت ءِ نیمگ ءَ لائن آف کنٹرول ءِ سر ءَ یک شل ءَ ھلاپ ورزی آنی بابت ءَ سرپد کنگ بوت۔ آسٹرین چانسلر ءَ ناشرکار آنی ھلاپ ءَ جنگ ءَ پاکستان ءِ کوشست آناں ساڑات۔
