سان یا(پاکستان نیوزپوائنٹ 11اپریل 2018ء) مزن وزیرشاہد خاقان عباسی ءَ علی بابا گروپ ءِ نیمگ ءَ پاکستان ءَ سرمایہ کاری ءِ واستہ واھگ آنی درشانی ءَ را وش اتک کت۔ سئے شمبے ءَ مزن وزیر شاہد خاقان عباسی ءَ گوں علی بابا گروپ ءِ ایگزیکٹو چیئرمین جیک ما ءَ باؤ فورم ءِ موہ ءِ گند ءُُ نند کت۔ مزن وزیر شاہد خاقان عباسی ءَ علی بابا گروپ ءِ ایگزیکٹو چیئرمین ءَ گروپ ءِ کامیاتی ءُُ آیوکیں باندات ءِ ھد ءُُ ابیل آنی بابت ءَ سرپد کت۔
آئی ءَ مزن وزیر ءَ را گروپ ءِ آن لائن تجارت، مائیکرو فنانسنگ ءُُ السی گہبود ءِ چست ءُُ ایر آنی بابت ءَ سرپد ھم کت۔ آئی ءِ وتی کمپنی ءِ نیمگ ءَ پیش کتگیں ٹیکنالوجیز ءَ چہ سیت گرگ ءِ رد ءَ پاکستان ءَ استیں موہ آناں ساڑات۔ مزن وزیر شاہد خاقان عباسی ءَ گروپ ءِ 500ارب ڈالر ءَ چہ گیش مالیت دزگیر کنوکیں کمپنی آناں گروپ ءِ تہ ءَ ھوار کپگ ءِ مبارکی دات۔
آئی ءَ گوشت کہ علی بابت ءِ جوانیں کار رپکی کرد ڈیجیٹل دور ءَ استیں موہ آنی نشان ءَ دنت اِنت۔ مزن وزیر ءَ مسٹر جیک ما ءَ را گوشت کہ پاکستان ءَ آیوکیں نزیکیں وھد ءَ ای کامرس مارکیٹ ءِ تہ ءَ دیمروئی موہ آیگی اِنت۔ آئی ءَ گوشت کہ پاکستان ءِ ازمکاریں مردم ڈیجیٹل اکانومی ءِ دیمروئی ءِ واستہ المی ایں وسیلگ اِت۔ آئی ءَ علی بابا گروپ ءِ نیمگ ءَ چہ پاکستان ءَ سرمایہ کاری ءِ واستہ واھگ آنی درشان کنگ ءَ را وش اتک کت ءُُ آئی ءَ پاکستان ء ِ تر ءُُ تاب ءِ دعوت دات۔
