واشنگٹن (پاکستان نیوزپوائنٹ 09 فروری2018ء) تہی کارانی بنجاہی وزیر احسن اقبال ءَ پاکستان ءُُ امریکا ءِ نیام ءَ منصوبگ بندی ءَ گوں گپ ءُُ تران ءِ سرا زور دات ءُُ گوشت کہ دوئیں ملکاں را دیمپانی ءِ ھوالہ ءَ گوں یک دومیگ ءِ جائز جیڈھ ءَ را ھلاس کنگ بیت ءُُ ناشرکاری ءَ را پروش ءُُ اوگانستان ءِ تہ گہبودی ءِ یکجاھیں نشان حاصل کنگ ءِ ھاترا یک دومیگ ءَ گوں کمک کنگ الم انت۔
آں وتی امریکی ترتاب ءِ ساعت ءَ وائٹ ہاوس ءِ تہ سالینہ مراگش ءَ پاکستانی اھوالکاراں گوں گپ ءُُ تران کنگ اتنت۔مراگش ءِ تہ دگرانی ابید امریکی صدر ڈونلڈ ٹرمپ ھم ساڑٰ اتن۔تہی کارانی وزیر ءَ اے ساعت ءَ امریکی کانگریس ءِ باسکان ،اھوالکاراں ءُُ امریکا ءِ تہ نشتگیں پاکستانی کمیونٹی ءِ راھشوں ءَ گوں گند ءُُ نند کتگ انت ءُُ آہاں را پاک امریکا سیادی ءُُ پاکستانی معیشت ءِ اَستیں جاورھال ءُُ چہ سرپد کتگ۔
آہاں گوشت کہ پاکستان ءُُ امریکا ءِ کمک ءِ دراجیں راجدپتر انت،ءُُ اے کمک ءَ چہ دوئیں ملکاں را پائدگ رستگ۔ پاکستان امریکا ءَ گوں وت مہ وت سیادی ءِ واھگ دار انت۔اے معاملہ ءِ سرا پچیں باست ءُُ واست ءِ ضلوت انت۔آہاں گوشت کہ پاکستان ءَ را امریکی کمک ءِ ضلورت نیست اِت بلے پاکستان ءِ دیمرئی ایجنڈہ ءُُ انسانی وسیلگ ءِ دیمرئی ءِ تہ امریکا ءِ ھاسیں جاھ انت۔آہاں گوشت کہ 2013 ء ِ تہ مسلم لیگ (ن)ءِ ھکومت سمبھالگ ءِ پدا پاکستان ءِ تہ ناشرکاری ءِ وئیلاں کمی اتکگ۔مہ وتی تاگت ءِ سرا ناشرکاری ءِ سرا گرءُُ دار ءُُ ناشرکارگروپ ءَ را ملک ءَ تچک ءَ مجبور کت۔(ن۔ا۔ج)
